«Аль» спорт шкулĕн футбол уйĕнче Андрей Албутова асăнса 10-мĕш уçă турнир иртнĕ.
«Андрей пултаруллă та спортпа туслă, мал ĕмĕтлĕ çамрăкчĕ. Тăвай шкулĕн мăнаçлăхĕччĕ, аслă вĕренÿ заведени- йĕнче çивĕч ăс-тăнĕпе, активлăхĕпе палăрнă»,—теççĕ ăна вĕрентнĕ учительсем.
«Ăна лидер, ăста футболист тата çамрăк армеец, ăшă та тÿрĕ чун-чĕ-реллĕ, тесе аса илетпĕр. Командăпа районпа республика чысне Раççей шайĕнче пĕрре мар хÿтĕ-ленĕ. Хастар каччăна хисеплесе мини-футбол ирттересси ырă йăлана кĕчĕ»,— тенĕ округ пуçлăхĕ Олег Ломоносов турнира уçнă май.
Çивĕч тĕлпулусенче кубока çĕнсе илессишĕн 6 команда тупăшнă. «Аль» спорт шкулĕн команди ăнăçлă выляса çĕнтерÿçĕ ятне тивĕçнĕ. Тăрмăшсемпе Çĕнĕ Пуянкассисем иккĕмĕшпе виççĕмĕш вырăнсене пайланă.
— Андрей Албутова асра тытнăшăн тата округри спорта аталантарас ĕçе тÿпе хывнăшăн пур хутшăнакана та тав тăватăп,— тенĕ юлашкинчен Олег Анатольевич наградăсем панă май.
Анатолий КИРИЛЛОВ, спорт шкулĕн директорĕ
