Çĕрпÿ хулинче кашни çулах Тихвин ярмăркки анлăн иртет. Унта тем тĕрлĕ япала туянма пулать, маçтăрсен ĕçĕсемпе паллашса ăсталăха вĕренме те майсем пур.
«Тăрмăш» халăх фольклор ушкăнĕ вырăнти туй юрри-ташшисемпе «На перекрестке национальных культур» регионсен хушшинчи фестивале хутшăнчĕ. Ушкăна лауреат Дипломĕпе тата парнесем парса хавхалантарчĕç.
Таçтан та килнĕ фестивале чăваш ушкăнĕсем: Самарпа Чĕмпĕртен, Тутарстанран, Мари Эльтен, Мордваран, ытти çĕртен. Пĕр-пĕринпе паллашни, курса калаçни хăех мĕне тăрать! Çавăн пек фестиваль-конкурссене хутшăнни хамăрăн пултарулăхпа паллаштарнисĕр пуçне, ăсталăха ÿстерет, туслăха çирĕплетет, чăвашлăха упрама тата аталантарма пулăшать.
Елена МАТРОСОВА,
Тăрмăшри культура çурчĕ
