2024 çулхи раштав уйăхĕнче çирĕплетнĕ регион программипе килĕшÿллĕн тăлăх ачасене çурт-йĕр- пе тивĕçтерес енĕпе черете 3—4 çул хушшинче пĕтĕмпех пĕтерме палăртнă.
Хатĕр çурт-йĕр панисĕр пуçне республикăра пурăнмалли çурт-йĕр сертификачĕсен тытăмне те ĕçе кĕртнĕ, унпа черетре тăракансен виççĕмĕш пайĕ усă курать.
Тăвай округĕнче 2024 çулта пилĕк тăлăх ача çурт-йĕр туянма сертификат илнĕ, пĕри — хваттер туянма. Кăçал виçĕ хваттер пама палăртнă, иккĕшне панă та ĕнтĕ. Иртнĕ эрнере округри çамрăка хваттер уççине тыттарнă май, муниципалитет округĕн экономика, пурлăхпа çĕр хутшăнăвĕ-сен пайĕн начальникĕ Евгений Козлов çĕнĕ çуртра хăтлăх, телей, ăшăлăх суннă.
Çак пысăк пулăм — тăлăх ачасене пулăшас, уйрăмах вĕсен пурăнмалли çурт-йĕр условийĕсене лайăхлатас тĕлĕшпе тĕллевлĕ ĕçленин пĕлтерĕш- лĕ пайĕ. Чăваш Ен Пуçлăхĕ Олег Николаев пур тăлăх ачана та пурăнмалли çурт-йĕрпе тивĕçтерес тĕллеве республикăра хастарлăн пурнăçлама тĕллев лартнă.
Хамăр инф.
