Тăвай муниципалитет округĕн пуçлăхĕ Олег Ломоносов финансистсен кунĕпе саламланă.
«Сирĕн професси - чи пĕлтерĕшлисенчен тата яваплисенчен пĕри. Сирĕн ăсталăхăртан, пĕлĕвĕрпе опытăртан пирĕн округăн финанс çирĕплĕхĕ, социаллă пĕлтерĕшлĕ программăсене пурнăçласси тата çынсен пурнăç пахалăхне лайăхлатасси нумай килет. Сирĕн ĕçĕр вăл - цифрăсемпе отчетсем кăна мар, пирĕн округ пуласлăхне, кашни çемье ырлăхĕшĕн тÿпе хывни»,- тенĕ вăл салам сăмахĕнче.
Республикăра та савăнăçлă мероприятире финансистсене чысланă.
Финанс сферинчи специалистсене тÿрĕ кăмăлпа ĕçленĕшĕн тата пысăк профессионализмшăн тĕрлĕ наградăсемпе палăртнă. Вĕсен йышĕнче Тăвай муниципалитет округĕнчен пур:
Надежда Геннадьевна Головинана - Чăваш Ен Финанс министерствин Хисеп грамотине*
Елена Валерьевна Павлована - Чăваш Ен финанс министрĕн Тав сăмахĕпе*
Наталия Николаевна Суркинана - Чăваш Ен Пуçлăхĕн Тав сăмахĕпе.
Раиса ВАСИЛЬЕВА
