Аса илтерер, çуллен Тăвай енре раштав праçникĕнче «Туслăх» кубокшăн мини-футбол турнирĕ ирттересси йăлана кĕнĕ.
Унăн ячĕ хăех ăмăртăвăн тупсăмне туллин сăнлать. Малти вырăнта яланах ырă хутшăнусем, ентешсен пĕрлĕхĕпе спортри ăнтăлу тăраççĕ. Кăçал турнирта 6 команда тупăшнă. Тĕлпулусен пĕтĕмлетĕвĕсем тăрăх 1-мĕш вырăна «Аль» ФСК тухнă, иккĕмĕшĕнче — «Тăрмăш», виççĕмĕшĕнче — «Студентсен» командисем.
