Тĕмер ялĕнче пурăнакан Иван Прокопьевич Краснов тыл ĕçченĕ 90 çулхи юбилейне паллă тунă.
Ĕмĕрне «Победа» колхозра ĕçлесе ирттернĕ. Мăшăрĕпе 6 ачине кун çути кăтартнă. Ялта пурте Красновсем çинчен ырă сăмахсем çеç калаççĕ. Иван Прокопьевича паллă кунпа ял тăрăхĕн пуçлăхĕ Геннадий Иванов саламласа Раççей Президенчĕн Тав çырăвне вуласа пачĕ. Ялти ветерансен канашĕн председателĕ Светлана Ярхунова, клуб заведующийĕ Ирина Краснова, хĕрарăмсен канашĕн председателĕ Надежда Жилкина, тăванĕсем, çывăх çыннисем саламларĕç, вăрăм кун-çул, çирĕп сывлăх, иксĕлми вăй-хал сунчĕç.
