Иртнĕ эрнеренпех Тăвай ялĕ хушшинчи тата Вăрмар енчи асфальтлă çулсене юсаççĕ. «СтройТЕК» ООО (хуçи А.В.Васильев) ĕçченĕсем, пысăк шăтăк-путăксене ятарлă «сивĕ» асфальтпа саплаççĕ. Малтанах унашкал шăтăк-путăка тасатаççĕ, вĕртерсе кăлараççĕ, кирлĕ пулсан газпа усă курса типĕтеççĕ те «сивĕ» асфальт хурса тикĕслеççĕ. Халĕ, çанталăк ăшăтса пынă май, вĕри асфальтпа усă курса та пысăк мар шăтăк-путăксене, çурăксене йĕркене кĕртме пуçăнасшăн çул-йĕр ĕçченĕсем, çул çÿрекенсене хăтлă условисем туса парасшăн.
Четверг, 18 Апрель 2024 г.
